يـــوم عـــرســـك

[ندعوك للتسجيل في المنتدى أو التعريف بنفسك لمعاينة هذه الصورة]

يـــوم عـــرســـك

سيف برگبتي وانذبح كل يوم
من يوم اسمعت هلهول خطارك
بدلت حبك بالماتعرفة شلون
وتركت الغريب يكسر حجارك
سلمتة نفسك ماتعب من جاك
دليتة اعله روحي ونزفت اسرارك
قبل من المسك بين ايدية تذوب
وبأحضان الغريب اليوم شخبارك
حبلك شمرتة وصعد ليفوك
ودفى بسعفك واخذ جمارك
صدك غصنك خدر والدنيا دارت بيك
وبين ايديه انطفت يالمشتعل نارك
صدك ضمك لصدره وغمضت عيناك
والتفت عليه يالبايع اسوارك
صدك جاس الكتبته ومامنعته ايديك
وفتح لحنك قراه وعزفت اوتارك
ضنيتك تضل تتحمل وياي
شو راح وتركني لوحدي قطارك
شنسى بيا طريقة الجان
وانه بكل كتر من جسمي اثارك
كل ساعة ابجي وانسحك بالصار
واكول الراح راح المن أتاني يم دارك
ضليت انتة صح وانة غلطان
دشوف شفادتك دوامة افكارك
بعت حبي ونكرته ورحت للغير
بس ياگلب هذا يصدك اعذارك
نارك طفت من ودعتني هناك
روحي ماأظن بعد تستانس بنارك
سيف برگبتي وانذبح كل يوم
من يوم اسمعت هلهول خطارك

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]